Meänkieli

Tervetuloa Rautatiemusehoon Gävlessä. Koko Ruottin Rautatiemuseo.

Rautatiemuseo aukasee uuesti kesälä 2024, jälkhiin jonku vuen kiiniolon remontin vuoksi. Sie joka tulet viehraana näet aivan uusia näyyttelyitä, uuen puoin ja ruokalan missä oon uusi ulkotila. Sinne tullee kans uusi leikkihuone ja uusi ulkoleikkiparkki pieniimille. Näyttelyssä oon kans ”lastenrata”. Ulkotilassa museon vieressä sie saatat tirkata sisäle ootushuohneesheen vanhassa asemarakenuksessa ja leikitellä entisiä leikkiä, rautatievahin kämpän vieressä. Ja tietysti, kattoa kaikkia veturia, junia ja vaunuja.

Sulle, joka et saa kyllä kulkuvehkheistä museon vieressä, met halvama toela esitellä meän kulkuvehemakasiiniä, Junahallia. Korkeasäsongin aikana relsipyssiä ajethaan museon ja Junahallin välissä, joka kuuluu sisälemakshoon.

Rautatiemuseon rautatiekokoelma kuuluu kansanvälisheen huippuluokhaan ja siinä oon yli 300 kulkuvehettä keskeltä 1800-lukua tähänpäihvään saakka. Kokoelmassa oon muunmuassa Prins  August, joka oon mailman vanhiin veturi jota vielä saattaa aijaa. Rautatiemuseo järjestää kans histuurisia junareisuja ympäri meän pitkyläistä maata.